Aikido Video လေးတွေ တွေ့လို့ဒီရက်ပိုင်း မကစားနိုင်တာနဲ့ အဆက်မပြတ်အောင် ဆိုပြီးဖွင့်ကြည့်မိတယ်။ ဘာတစ်ခုတွေ့သလဲဆိုတော့ Aikido Friendship ဆိုတဲ့ Video တစ်ခုကိုပြန်တွေ့တယ်။ အဲ့ဒီမှာ ပါတဲ့လူအားလုံးက အိုက်ကိကိုင်းလက်အောက်ခံ တစ်ယောက်မှမပါဘူး။ ဒါပေမယ့် အားလုံးကတော့ O’Sensei ရဲ့တပည့်အရင်းတွေပဲ သူတို့အားလုံး အဖွဲ့အစည်း အတူမဟုတ်ကြပေမယ့် တစ်ကယ်တမ်း ပြပွဲလုပ်တဲ့အချိန်မှာတော့ ဘာပြဿနာမှ မဖြစ်လာဘူး အားလုံး အရင်ကလိုပဲ ချစ်ချစ်ခင်ခင်ပဲ ပြသွားတာကို သဘောကျမိတယ်။ ဒါပေမယ့် လက်တွေ့မှာတော့ သူတို့တစ်တွေ လမ်းခွဲသွားကြတာ နှစ်ပေါင်းများစွာ ကြာခဲ့ပါပြီ။ အခုအချိန်မှာတော့ Video ထဲကဆရာကြီးတွေအားလုံးနီးနီးလည်း မရှိကြတော့ပါဘူး။