အစ်မကောင်းကင်ပြာက Tag လုပ်ထားတဲ့အတွက် လျောက်ပြီးရေးထားပါတယ်။ လူဆယ်ယောက်ကလည်း မနည်းစဥ်းစားရတယ်။ ကျွန်တော့်လိုဝဋ်မလည်စေချင်လို့ ဘလော့ပေါ်ကလူတွေကို ထည့်မရေးပါဘူး။ အတွေ့ချင်ဆုံးဆယ်ယောက် သံသရာက မဆုံးနိုင်ဖြစ်သွားမယ် ဒါကြောင့် အပြင်ကလူတွေကိုပဲ ရေးထားပါတယ်။
read more »

ကိုရဲမာန်ပြောမှပဲ ကျွန်တော်လည်း လန့်သွားတယ် ကိုလူပျိုကြီးကလည်း ဘာသဘောနဲ့ လျောက်ရေးရတာလဲတဲ့။ ပြောတာကတော့ လူပျိုကြီး အရည်မရ အဖတ်မရတွေ လုပ်ပြန်ပြီပေါ့။ ပြောမိပြန်ပြီဒီ အရေမရအဖတ်မရ ဆိုတဲ့စကားကို။ မတတ်နိုင်ဘူး အကျင့်ပါနေပြီ သည်းခံကွယ်။ အစမ်းမေးထားပါတယ်ဆို သူများတွေ အမြင်သိမှရေးမလို့ပါ။ သူတို့ကလည်း စိတ်ကြည့်ပဲ။ ဒါကလည်း ပြောရမယ်ဆိုရင် ဘာမှန်းမသိရင် သဲလွန်စ တစ်ခုမှချန်မထားခဲ့ရင် ဘယ်သူမှစိတ်မဝင်စားပါဘူး နောက်ပြီးတော့ ကိုယ်ဆိုလိုတာ နေလွဲသွားတတ်တယ်ဆိုတာ ပြနေပါတယ်။ လာတဲ့လူတွေကတော့ အားနာလို့ ရေးသွားကြပါတယ်။ ကိုစိုးမင်းကတော့ Python လက်စွမ်းပြသွားတယ်။ ကိုသာသာက Algorithm ကိုပြုပြင်သွားတယ်။ ဒါလည်းပြောမယ်ဆိုရင် မရည်ရွယ်ပဲ အမြတ်ထွက်တာပါ။ PM ကတော့ဘယ်လိုလုပ်လိုက်လဲမသိဘူး။
read more »

ဒီပုံလေးကတော့ အမျိုးသမီးကြီးနဲ့ အမျိုးသမီးငယ်လေးပေါ့ဗျာ။ အောက်မှာပြထားတဲ့ ပုံကိုကျေးဇူးပြု၍ အမျိုးသမီးကြီးလား အမျိုးသမီးငယ်လား ခွဲခြားပေးပါဦး။

red green blue green red yellow blue
yellow red blue yellow green red blue
blue yellow yellow blue red blue yellow
red green green red green green green
green blue blue yellow yellow yellow
yellow red green yellow blue green red
blue green red red green red green blue
red yellow yellow red blue yellow blue
yellow blue red blue green green yellow
green red yellow blue yellow blue red
blue red blue green red yellow blue
green green red yellow blue yellow blue

မြင်တဲ့အတိုင်း ထင်တဲ့အတိုင်း ပြောတာကို အမှန်အတိုင်းပြောတာ ကောင်းတယ်လို့ လူတွေကပြောကြတယ် ဘာကောင်းမှန်းတော့မသိဘူးဗျာ။ ငယ်ငယ်ကဖတ်ဖူးတဲ့ မှန်သောစကားကို ပြောဆိုခြင်းနှင့် စပ်ဆိုင်သော ပြဿနာရပ်များ ဆိုတဲ့စာအုပ်ကို သွားသတိရတယ်။ စာအုပ်နာမည်ကတော့ အတိအကျ မှန်မမှန်မသိဘူး ရေးတာတော့ နန္ဒသိန်းဇံရေးတာပဲ။ မှန်တာပြောတာချင်းအတူတူ လူရည်လည်တဲ့ ကြက်တူရွေးက လွတ်သွားပြီး အတီးအတနဲ့ ကြက်တူရွေးကတော့ မီးပုံထဲမှာသေရတယ်။ မဟောသထာ မျက်နှာရိပ်မျက်နှာကဲ မကြည့်တတ်ပဲ ကိုယ်သိတာ ကိုယ်ပြောပြန်တော့လည်း ဝရန်းပြေးဖြစ်တယ်။ ကိုယ်တော်အသွင် ပျောက်သွားပါတယ်လို့ အလိုက်သင့်ပြောတော့ မင်းခစားကို ဘုရင်ကဆုချတယ်။ လူ့အသက်တစ်ချောင်းအတွက် ဒါငါ့တပည့်မဟုတ်ဘူး ဘယ်သူပြောသလဲလို့ ပြောတဲ့ဘုန်းကြီး အာပတ်သင့်မသင့် စဥ်းစားမရဘူး။
read more »

ဒီတစ်ရက်နှစ်ရက်အတွင်း ကွန်ပျူတာလောကကို အပြင်းအထန် လှုပ်ခတ်သွားတာကတော့ Oracle က Sun Microsystem ကို ခန့်မှန်းခြေဒေါ်လာ 7.4 ဘီလီယမ် နဲ့ ဝယ်ယူတော့မယ် ဆိုတဲ့သတင်းပါပဲ။ အင်အားကြီး နည်းပညာ ကုမ္ပဏီနှစ်ခု တစ်ပေါင်းတည်း ဖြစ်သွားတော့မယ်ဆိုတာ သေချာသလောက်ရှိသွားပါပြီ။ စဥ်းစားစရာတွေကတော့ အများကြီးပါပဲ မကြာသေးခင်နှစ်တွေ အတွင်း Oracle ဟာ နည်းပညာကုမ္ပဏီတွေကို ဝယ်ယူနေတာပါ။ ဥပမာပြောရရင် ၂၀၀၄ခုနှစ်မှာ PeopleSoft ၊ ၂၀၀၅ ခုနှစ်မှာ Siebel ၊ ၂၀၀၈ ခုနှစ်မှာ BEA ကိုဝယ်ခဲ့ပါတယ်။ ဒီတစ်ခါထူးခြားတာက Sun Microsystem မှာက Oracle စိတ်ဝင်စားစရာက Java & MySQL ကိုလား ဒါမှမဟုတ် Server စျေးကွက်ကိုလား။
read more »

ဖြေလိုက်ရတဲ့စာမေးပွဲ ကြာရင်ကိုယ့်ကိုကိုယ် စာမေးပွဲများ ဖြေစားနေသလား တစ်ခါတစ်လေထင်မိတယ်။ ဒီတစ်ခါတော့ စာအုပ်ဖွင့်စာမေးပွဲ။ အရင်လည်း စာအုပ်ဖွင့်ကဖြေနေကျဆိုတော့ စာအုပ်ဖွင့်ထုံးစံအတိုင်း ရှာရတာမြန်အောင် စာအုပ်ကို စာရွက်ရောင်စုံနဲ့ အညှန်းလုပ်ရတာပေါ့ စာအုပ်သုံးအုပ် လက်ရွေးစင်ရွေးပေါ့ စာအုပ်ထဲလည်း အဝါတွေ အစိမ်းတွေ ဆေးသုတ်ထည့်လိုက်တာ စာအုပ်တောင်မလှန်ရဲဘူး နေကာမျက်မှန်တပ်ထားရမလိုပဲ။

ပထမဆုံးအကြိမ်အတွေ့အကြုံကတည်းက နပ်သွားပြီလေ ကိုယ့်ဟာကိုယ်စာမေးပွဲထဲကျမှ ရှာမယ်ဆိုရင် ကြာနေမှာဆိုတော့ စာအုပ်ကိုရောင်စုံ လုပ်ထည့်လိုက်တာပေါ့။ ဆရာကလည်း သင်ထားတာကနည်းနည်း ဖတ်စရာအပိုစာတမ်းတွေကပေးထားတယ်။ ကြည့်တော့သိပ်မထင်ရဘူး အကုန်ပရင့်ထုတ်လိုက်တော့ ကျောကပ်ထုတ်တာကို အရွက် ၈၀ဝ ရှိနေလို့မျက်လုံးပြူးရတယ်။ စာအုပ်ကို ရောင်စုံသုတ်ရုံတင်မကဘူး နောက်ပြီး စာရွက်အမှိုက်ပုံလိုဟာကြီးကိုပါ တစ်ခါဖတ်ရပြန်တယ်။ ကြာတော့ အကြောင်းအရာတစ်ခုက စာရွက်ထုတ်ထဲပါတာလား စာအုပ်တွေ အထဲပါတာလားတောင် ရောကုန်လို့လန့်နေရတယ်။ နေ့မအားညမအား ဘလော့မရေးပဲ စာအုပ်ဆေးသုတ်လိုက်ရတာက ရ ရက်နဲ့ ရ ည။
read more »

ကွန်ပျူတာသမားဆိုတာ့ ကွန်ပျူတာနဲ့ ပါတ်သက်တဲ့ Video ဆိုရင်လည်း သဘောကျတာပဲ။ ဒီရက်ပိုင်းတော့ Youtube ကိုဓါတ်ကျပြီး မှေနှောက်ရှာဖွေရင်းတွေ့တာလေးတွေတင်ထားတယ်။

HP Disaster Proof Solutions ကိုတော့ တော်တော်လေးသဘောကျမိတယ်။ ကိုယ့်ရဲ့ ကွန်ပျူတာ စနစ်ကို ဘယ်လိုဘေးအန္တရာယ်တွေ ဖြစ်လာပါစေ ပြန်လည်ပြီးတော့ Recover လုပ်နိုင်ဖို့ Business Continuity Management ဆိုတာကို ပြထားတာပါ။ သူတို့ဖောက်ခွဲပစ်လိုက်တဲ့ Data Centre ကြီးပဲနှမြောပါတယ်။



ဒီ Datarock – Computer Camp Love လေးကတော့ ရှင်းပြစရာမလိုဘူးထင်ပါတယ်။ ကိုသီဟသစ်ရဲ့ D-Mail ဆိုတာ အဲ့ဒီကစတာဖြစ်မယ်ထင်တယ်။ ဒီအထဲက D-Mail ကတော့နည်းနည်း အဆင့်မြင့်တယ် 5-1/4″ ကြီးနဲ့ဗျ အကြီးကြီးပဲ။ ဒါမျိုးကြီးတွေ မမြင်ဖူးတာကြာလို့ မေ့တောင်နေပြီ။

မန္တလေးနဲ့သင်္ကြန်ဆိုတာ တွဲမြင်တတ်ကြသလိုပဲ မန္တလေး သင်္ကြန်နဲ့ မြို့မဆိုတာလည်း ခွဲမရလောက်အောင်ပါပဲ။ ငယ်ငယ်ကတော့ သင်္ကြန်ဆိုရင်လမ်းမှာ မြို့မက ငန်းရုပ်ကြီးနဲ့ကားကြီးလာရင် သိပ်ပျော်တာပဲ လူတွေလည်း အများကြီးထွက်ကြည့်တာ။ နောက်ပိုင်းကျွန်တော်တို့ အလယ်တန်ကျောင်းသားဘဝ အထက်တန်းကျောင်းသားဘဝလောက် ရောက်တော့ မြို့မလည်း အလှပြကားမထွက်နိုင်တော့ဘူး။ အခုနောက်ပိုင်း ၃ နှစ် ၄ နှစ်လောက်မှ ပြန်ပြီးတော့ ငန်းရုပ်ကြီးကိုပြန်တွေ့ရတယ်။ စပြီးပြန်ထွက်ကာစ နှစ်ကဆိုရင်လူတွေ အရမ်းဝမ်းသာကြတာပဲ ဘယ်လောက်ပဲ မတွေ့တော့တာ နှစ်တွေကြာပါစေ မန္တလေး သင်္ကြန်နဲ့ မြို့မဆိုတာ လူတွေကတွဲပြီးမြင်နေကြဆဲပဲဗျ။ အခုတော့ အလွမ်းပြေလေးပေါ့ သင်္ကြန်သီချင်းအဟောင်း အကောင်းလေးတွေ တင်ထားလိုက်တယ် တစ်နေကုန်ဒါပဲဖွင့်ထားမယ်။
read more »

အကြံကုန်တော့ တို့လည်းဆားချက်ဦးမယ်။ သိပ်လည်း ရေးစရာမစဥ်းစားအားဘူး။ ခေါင်းထဲကစာတွေ ပျောက်ကုန်မှာကြောက်နေရတယ်။ သူငယ်ချင်းတစ်ယောက်က ပို့လိုက်လို့ဒီအပေါ်ပြန်တင်ထားတယ်။ Excel ဖိုင်လေးကိုသာ Download လုပ်ပြီး တီးကြည့်ကြပေတော့။ Twinkle Twinkle Little Star တွေဘာတွေပါတယ်။