ဖြေလိုက်ရတဲ့စာမေးပွဲ ကြာရင်ကိုယ့်ကိုကိုယ် စာမေးပွဲများ ဖြေစားနေသလား တစ်ခါတစ်လေထင်မိတယ်။ ဒီတစ်ခါတော့ စာအုပ်ဖွင့်စာမေးပွဲ။ အရင်လည်း စာအုပ်ဖွင့်ကဖြေနေကျဆိုတော့ စာအုပ်ဖွင့်ထုံးစံအတိုင်း ရှာရတာမြန်အောင် စာအုပ်ကို စာရွက်ရောင်စုံနဲ့ အညှန်းလုပ်ရတာပေါ့ စာအုပ်သုံးအုပ် လက်ရွေးစင်ရွေးပေါ့ စာအုပ်ထဲလည်း အဝါတွေ အစိမ်းတွေ ဆေးသုတ်ထည့်လိုက်တာ စာအုပ်တောင်မလှန်ရဲဘူး နေကာမျက်မှန်တပ်ထားရမလိုပဲ။

ပထမဆုံးအကြိမ်အတွေ့အကြုံကတည်းက နပ်သွားပြီလေ ကိုယ့်ဟာကိုယ်စာမေးပွဲထဲကျမှ ရှာမယ်ဆိုရင် ကြာနေမှာဆိုတော့ စာအုပ်ကိုရောင်စုံ လုပ်ထည့်လိုက်တာပေါ့။ ဆရာကလည်း သင်ထားတာကနည်းနည်း ဖတ်စရာအပိုစာတမ်းတွေကပေးထားတယ်။ ကြည့်တော့သိပ်မထင်ရဘူး အကုန်ပရင့်ထုတ်လိုက်တော့ ကျောကပ်ထုတ်တာကို အရွက် ၈၀ဝ ရှိနေလို့မျက်လုံးပြူးရတယ်။ စာအုပ်ကို ရောင်စုံသုတ်ရုံတင်မကဘူး နောက်ပြီး စာရွက်အမှိုက်ပုံလိုဟာကြီးကိုပါ တစ်ခါဖတ်ရပြန်တယ်။ ကြာတော့ အကြောင်းအရာတစ်ခုက စာရွက်ထုတ်ထဲပါတာလား စာအုပ်တွေ အထဲပါတာလားတောင် ရောကုန်လို့လန့်နေရတယ်။ နေ့မအားညမအား ဘလော့မရေးပဲ စာအုပ်ဆေးသုတ်လိုက်ရတာက ရ ရက်နဲ့ ရ ည။
Continue reading →

ကွန်ပျူတာသမားဆိုတာ့ ကွန်ပျူတာနဲ့ ပါတ်သက်တဲ့ Video ဆိုရင်လည်း သဘောကျတာပဲ။ ဒီရက်ပိုင်းတော့ Youtube ကိုဓါတ်ကျပြီး မှေနှောက်ရှာဖွေရင်းတွေ့တာလေးတွေတင်ထားတယ်။

HP Disaster Proof Solutions ကိုတော့ တော်တော်လေးသဘောကျမိတယ်။ ကိုယ့်ရဲ့ ကွန်ပျူတာ စနစ်ကို ဘယ်လိုဘေးအန္တရာယ်တွေ ဖြစ်လာပါစေ ပြန်လည်ပြီးတော့ Recover လုပ်နိုင်ဖို့ Business Continuity Management ဆိုတာကို ပြထားတာပါ။ သူတို့ဖောက်ခွဲပစ်လိုက်တဲ့ Data Centre ကြီးပဲနှမြောပါတယ်။



ဒီ Datarock – Computer Camp Love လေးကတော့ ရှင်းပြစရာမလိုဘူးထင်ပါတယ်။ ကိုသီဟသစ်ရဲ့ D-Mail ဆိုတာ အဲ့ဒီကစတာဖြစ်မယ်ထင်တယ်။ ဒီအထဲက D-Mail ကတော့နည်းနည်း အဆင့်မြင့်တယ် 5-1/4″ ကြီးနဲ့ဗျ အကြီးကြီးပဲ။ ဒါမျိုးကြီးတွေ မမြင်ဖူးတာကြာလို့ မေ့တောင်နေပြီ။

မန္တလေးနဲ့သင်္ကြန်ဆိုတာ တွဲမြင်တတ်ကြသလိုပဲ မန္တလေး သင်္ကြန်နဲ့ မြို့မဆိုတာလည်း ခွဲမရလောက်အောင်ပါပဲ။ ငယ်ငယ်ကတော့ သင်္ကြန်ဆိုရင်လမ်းမှာ မြို့မက ငန်းရုပ်ကြီးနဲ့ကားကြီးလာရင် သိပ်ပျော်တာပဲ လူတွေလည်း အများကြီးထွက်ကြည့်တာ။ နောက်ပိုင်းကျွန်တော်တို့ အလယ်တန်ကျောင်းသားဘဝ အထက်တန်းကျောင်းသားဘဝလောက် ရောက်တော့ မြို့မလည်း အလှပြကားမထွက်နိုင်တော့ဘူး။ အခုနောက်ပိုင်း ၃ နှစ် ၄ နှစ်လောက်မှ ပြန်ပြီးတော့ ငန်းရုပ်ကြီးကိုပြန်တွေ့ရတယ်။ စပြီးပြန်ထွက်ကာစ နှစ်ကဆိုရင်လူတွေ အရမ်းဝမ်းသာကြတာပဲ ဘယ်လောက်ပဲ မတွေ့တော့တာ နှစ်တွေကြာပါစေ မန္တလေး သင်္ကြန်နဲ့ မြို့မဆိုတာ လူတွေကတွဲပြီးမြင်နေကြဆဲပဲဗျ။ အခုတော့ အလွမ်းပြေလေးပေါ့ သင်္ကြန်သီချင်းအဟောင်း အကောင်းလေးတွေ တင်ထားလိုက်တယ် တစ်နေကုန်ဒါပဲဖွင့်ထားမယ်။
Continue reading →